A Transcription of MS Oxf. Bodl. Laud Misc. 210

Conditions of use. Anyone may download or print out this document for personal use, or may link to this document on the University of Michigan web server. No one may post this document on another server or distribute it in print form without the permission of the editor.

Key to Text Encoding

Item Displays as: Encoded as: TEI equiv.
Expanded abbrev. italic print <I>...</I> <EXPAN>
MS punctus Blue dot: · <FONT COLOR="#0000FF">&middot;</FONT> (character)
MS capitulum Blue <FONT COLOR="#0000FF">&para;</FONT> (character)
MS virgule Blue ¬ <FONT COLOR="#0000FF">&not;</FONT> (character)
yogh 3 number 3 (character)
Line break Red bar: | <FONT COLOR="#FF0000">|</FONT> <LB>
Page break Linked bracketed fol. ref: [fol 115r] <A HREF="lifesoul.html#f115r" NAME="f115r">[fol 115r]</A> <MILESTONE TYPE="folio" N="115r">
Dubious (illeg.) reading ~...~ ~...~ <UNCLEAR>
Editorial changes [...] [...] <SUPPLIED>
or recast as
<CORR SIC= ... >
Editorial deletions Grayed-out text <FONT COLOR="#CCCCCC">...</FONT> <SIC CORR="">
Editorial relocations Moved text in bold;
orig. location with « or »
pointing toward new location
&laquo; or &raquo;
?recast as <SIC CORR=""> (for orig.location)
and <SUPPLIED> (for new location)
Scribal additions Underlined text <U>...</U> <ADD>
Scribal deletions or erasures Struck-through text <S>...</S> <DEL>


[fol 114r] Frend in crist as seynt poule seiþ· We ne hauen | here no cyte· þat is dwelling· but we sechen | on þat is to come here after· And þerfore me | þinkeþ þat we schulden ben longyng þiderward | alle þe tyme of oure lyf· wiþ al oure power· Siþ | we han no rest ne non abydyng but þere· But | more harme is I knowe no3t a ri3t þe weye þe | weye toward þis place· & þerfore I preye þe þat þou | telle me þe weye toward þis place· Dere frend | oure lord & oure mayster iesu crist seyde to his | disciples þat he hym siluen is the weye toward | heuene & he is truþe þat ledeþ vs sykurly in | oure weye & he is sykurly lyf þat makeþ vs | lyue in soule whyles we ben in þis world· & after | þat lyf he wil bringe vs to ablisful lif þat | schal lasten withouten ende boþe in body & in soule· | frend or þan þou passe ferþer I preye þe what is | þat lyf of soule & telle wheþir alle men han | þis lif· Sire aman is made to þre manere of | liues þe first lif is þe lif of þe body· & þis | lif han boþe goodemen & schrewis·¬¬þe secun|de lif is of þe soule· & þat is to lyuen out | of synne Of þis lif crist spekeþ in þe gospel | þer as he seiþ but aman be born eft sones he | ne may not entren in to þe kyngdom· of heue|ne·¬¬þe first bering of aman is·· whan he is | I born in to a bodyliche lyuyng of his moder | wombe· But he is borun eft sones of water [fol 114v] &of þe holygost into a lyf of soule· And þat be|ryng is whan a child or a man is I fulled·· & vn|derfongeþ cristene mennes be leue· & for sakeþ þe | deuel & his werkes þat ben synnes ¬¬And þis | lif of soule mankynde hadde no3t from þe tyme | þat adam hadde I synned in paradys in to þe comyng | of crist· for as seynt poule seiþ· Deth regnede | from adam to moyses· & synne regnede from | moyses in to þe tyme of grace þat was I 3eue be | crist· Ne al þe ri3twisnes of alle þe olde lawe | ne sacrifices þat weren I doon for mannes synne | ne prechyng ne preeyer of prophetes ne of prestes ne | mi3t not make man kynde clene of his synne | And þerfore oure fadur of heuene sente his ow|ne sone adoun in to þe erþe to fulfille þe lawe | & þe prophetes & so he dide· for þer as a man ne | myhte noþer be þe lawe ne be þe prophetes ben | I iustified of his synne· he of his grace & no3t | of oure ri3twisnes· ne of oure disseruyng· | for 3af alle þilk men her synnes þat bi leue|den in hym & brou3te hem from deþ of syn|ne in to lif of soule· for as crist seiþ who þat | be leueþ in me þof he be ded he schal lyue & | who þat lyueþ & be leueþ in me·· he schal ne|uere dye & who þat haþ þis lif of soule· whyles | he is in þis world· he schal come after þat | he is ded to an endeles lif of blis boþe in bo|dy & in soule· and seynt poule seiþ¬ alle disee|ses þat we mown suffre in þe tyme þat now | is· ne be not worþi to þe blisse þat is to comen | here aftur & schal be schewed in vs¬ & þerfore | he seiþ nouþer deþ ne lyf ne angeres [?augeres; ?read: angeles] ne [fol 115r] tribulaciouns ¬ ne no þing þat now is ¬ ne þat is gonne· ne | þat is to comen her after·· may departen vs from | þe charite þat is in iesu crist· frend as me þinkeþ | þis lif of soule þis lif of soule þat is for sakyng | of synne·· is þe ri3t weye to heuene· but we ben | ful vnstabul & ful vnconyng to go þis weye· & we | han strong temptaciouns & strong enemyes· as þe de|uel & þe world & oure owne fleshe þat euere more temp|teþ vs to synne· And þer fore we moten putte vs | fulliche in þe mercy of god· & þof we lyue not so per|fytliche as he tau3t vs·· & as he lyuede hym silf | we hopen to ben saued· for he seiþ hym self who | þat be leueþ & is cristened schal be sauid Sir in | summe þinges 3e seye ful soþe¬bot it is not al soþe | as 3e hopen in 3owre seying· Soþe it is þat þe ri3t | weye to heuene is for sakyng of synne· & þer | comeþ no man to heuene·· but he go þis wey· and | forsakynge of synne· is no more but þe kepyng | of goddis hestis & of his wordis & leuyng alle | þilk þinges þat god forbedeþ And soth it is þat | þis is an hard wey & a streyt· for as crist seiþ | it is a streyt weye þat ledeþ a man to heuene lif | & fewe þer ben þat fynden þat weye & a brode | wey it is þat ledeþ aman to perdicioun & to deth & | ful many þer ben þat fynden þilk weye ful soþe | it is also þat we ben vnstable & vncunnyng & | þat we han strong enemyes & strong temptaciouns | also But it is certeyn 3if we desire wisdome | of god & stabulnes to a3enstonde synne· god wil | 3euen vs þat we axen· so þat we axen trustiliche | ffor crist seiþ ¬ 3e þat ben wicked & yuul wollen 3euen | 3oure childeren good þinges whan þei axen 3ow gode· | & myche more wille 3oure heuenliche fadur 3euen [fol 115v] hem a goode spiri3t þat axen hit of heim & þerfore | he seiþ secheþ & 3e schullen ifynde· axeth & 3e schul|len vnderfongen· knockeþ at þe dore & I schal open | hit to 3ow· And seynt Jame seiþ who þat nedeþ wis|dome· axe hit of god þat 3eueþ al men plenteuosly|che· & oben obreideþ no man of þat he schal 3euen | hym· but axe he trustiliche & haue no dou3te· for he | þat dou3teþ in his axyng is lyche þe flood of þe see | þat is meued & I born abou3te wiþ þe wynd & þere|fore suche aman ne trowe he nou3t þat he schal vn|derfongen any þing of god· And he seiþ þat man is | I blessed þat abydeþ temptacioun· for whan he is I pre|uid he schal vndurfong acroune of lif þat god | hath be hote to þilk þat louen hym ne no man | whan he is I tempted seye þat louen he is I tempted | of god· for he ne is no temptour of yuul ne he temp|teþ no man·· but eueryche man is tempted of his | owne coueytyng· & whan coueytyng þat hath con|ceyued¬hit bryngeþ forth synne & whan þe synne | is brou3t to þe ende hit engendereþ deþ· Of þes wor|des sire þou mi3t þen mi3t I seen þat hit ne is but | oure defau3te þat we he ne han cunnyng & stabul|nes to a3eyn stonde oure temptaciouns· and þof we han | strong enemyes & grete temptaciouns hit ne is but | oure owne vnkyndenes & wickednesse þat we fal|len in to synne· for god suffereþ no man to ben i-|tempted passyng his mi3t· and alle þe deuels in | helle ne alle þe might of þe world ne of mannes | flesche ne mown not maken aman ¬ ne a womman | breken godis hestys a3ens his wille· for god haþ | I 3euen aman afre wil¬& haþ I sette be forun hym | boþe good & yuul lif & deth· blessyng· & cursyng· [fol 116r] & aman may chese wheþer of þes he wil take· And 3if | aman is buxum to his god & kepiþ his hestis· þanne | he cheseþ good lif & blessyng· and 3if he for sakeþ | þe hestis of god þan he cheseþ yuul & deth· & þe cur|syng of god· as moyses seiþ in þe first boke of olde | lawe And dauiþ seiþ in þe sauter· alle þes ben a|cursed þat bowen a wey from þi hestis· þanne it is | bot oure owne folye & oure owne vnkyndenes þat we fal|len in to synne· Soth it is also þat we moten alle put|ten vs in þe mercy of god· & not axen heuene þoru ry3t|fulnes· iustifying oure self before god· for dauid | seiþ in þe sauter· Eueriche lyuyng man schal | not ben iustified in þi si3t· But naþereles no man | hop to come to heuene but if he leue synne· noþer | for þe be leue þat he haþ in crist· ne for þe grete mercy | of god· for as seynt jame seiþ deueles in helle be-|leuen & dreden· & he seiþ ri3t as a body is ded wiþ-|outen spiri3t· ri3t feiþ & beleue is ded wiþ outen | good werkes· And seynt jon seiþ· who þat seiþ þat seiþ | þat he knoweþ god & kepiþ not his hestes· he | is a lyere· & crist seiþ wharto clepe 3e me lord lord | & doþ no3t þilke þinges þat I sey3e and he seiþ also | al þilke þat sey3en to me lord lord ne schul not | entren in to þe kyngdome of heuene· but he þat | doþ þe wille of my fader þat is in heuene· he schal | entren in to þe kyngdom of heuene¬and he seiþ | also in þat day many schul come & seyn lord ha|ue we no3t I caste fendes ou3t of men in þi name· | & ne haue we not iprophecyed in þi name & i-doon many tokenes in þi name· And crist | seiþ þat he wil þanne seye to hem· I ne knew | 3ow neuere· goþ awey from me alle þat wurchen | wickednes· & crist seiþ also þat mannes sone wil [fol 116v] come & deme eueriche man aftir his werkis· & þi|lk þat han wil I lyued schullen comen to þe blis | of heuene· & þe oþer þat han continued her lif in | synne schul gon to þe euere lastynge peynes of | helle þat ben I ordeyned for þe deuel & his seruaun|tes· And gode sire what schal cristes passioun or | þe schedyng of his blood in þe whyche blood þou art | i cristened & I clensed of þi synne stonde þe to profi3t | but þou leue þi synne & kepe goddis hestes· In | certeyn seynt petre seiþ· it were better for aman | þat he knew not þe wey of trewthe· þan after | his knewing turnen a3eyn to synne· for as he seiþ | such men ben I lyche swyne þat whan þei ben cle|ne gon in to a slowe & maken hem fouler þanne þei | weren & he seiþ also þat þei ben liche houndes· þat | kasteþ vp þe mete þat þei han eete & sithen tur|nen hem a3en· & eten þat þei casten· And for þes | foule maners of swyn & of houndes crist seyde to his | disciples· Ne 3eue 3e not holy þinges to houndes ne | cast 3e not margeri perles be fore swyn· last þei de|foulen hem wiþ here feet & þe houndes turnen hem | & al to tere 3ow· frend now I se þat þe ri3t weye to | heuene is lif of soule in forsakyng synne· & ke|ping goddes hestes· & I see wil þat eueryche man | may leuen synne if he wole him seluen· & I see | wele þa no man schal be saued but he leue his syn|ne· Noþer for þe grete mercy of god· ne for þe be le|ue þat a man haþ in god· ne for his cristenyng | but if he haue goode werkes· But frende how | schullen 3ung childeren ben I saued þat ben i-|cristened· & siþe dyen or þan þei ben of age to | knowe godes hestes Sire 3e wyteþ wil þat whan [fol 117r] a child is I cristened· he receyueþ his byleue by mene | persones· for þat tyme noþer he haþ knowyng whyche | his be leue is ¬ ne mi3t forto speke whyche is his | be leue· & ri3t as [he] vndirfongeþ his be leue by me|ne persones· ri3t so be þo same mene he forsakiþ þe de|uel & his werkes & by hoteþ to ben buxum to god | & to kepen his hestes & so þe child is saued þoru | þe be leue· þat he vnderfongeþ & þoru þe forward | þat he makeþ bi þes mene persones· But in certeyn | a man or a womman of ful age ne schal not ben | i-sauyd: but he doþ þe werkes of his be leue | þat is to seyn þat he kepe goddis hestis & leue syn|ne· for as seynt poule seiþ alle we ben þat [read: þat ben] i-bap|tized in iesu crist· ben i-baptized in his deþ· & we ben | i-birried wiþ hym in to deth· þat ri3t as crist roos | fron [read: from] deth to lyue þoru þe blisse of his fader· | ri3t so walk we in a newe manere of lif· And þer|fore he seiþ knowe 3e wil þat oure olde man is i-|crucified· þat þe body of synne he[?read: be] distryed· þat | we seruen no more to synne & þerfore he seiþ· Trowe | 3e þat 3e ben dede to synne But 3e ben lyuyng to | god in oure lord iesu crist· And þerfore ne regne no synne | in 3oure dedly body· þat 3e be not buxum to his couey|tynges and ne 3eue 3e nou3t 3oure membris to ben | armure of wickednes to synne but makeþ hem | armure of ri3tfulnesse to god· for synne schal | no lengere haue lordschipe of 3ow And seynt | petre seiþ riþt as in noees tyme a fewe soules as | eyghte weren i-saued by water ri3t so baptem | makeþ vs now saue ¬ nou3t þe doyng a wey of þe | filþe of oure flesch· but as sechyng of a goode | conscience in god· by þe rysyng a3eyn from deth | to lif of oure lord iesu crist & þerfore he seiþ· Siþe [fol 117v] crist haþ i-suffered in flesch· be 3e armed in þe same | þou3t· for he þat suffered in flesch laft synne þat | þe remenant þat lyueþ after ward in flesch ne | lyuen not to þe desires of men· but to þe wil|le of god for þe tyme þat is i-passed sufficeþ to | maken an ende of mysbeleuid mennes willes | þat han i-walked in her licheries & in etynges & | in drynkynges ou3t of mesure & in vnleful he|ryinges of mawmetis· And whan seynt ion | baptized men· he seyde I baptyse 3ow in to watur & | in to penaunce· but he þat comeþ after me is strenger | þen am I· & I am not worþi to beren his schone | he schal baptize 3ow in þe holy gost & in fuyr· & | in þis baptem crist baptised his disciples when he | sent þe holy gost among hem to ben her counfortour | and þo þei casten so brennyng aloue to god· þat it | was a solas & a mirþe to hem to suffre tribu|lacioun & persecucioun for loue of here god And þis | luf is a fuyr to preue whyche ben goddis trewe | childere· of þis fuyr crist seiþ I come to senden | a fuyr in to þe erþe· & what wil I but þat it be | tend· Here sire þou mi3t i-sen two baptemes þat | cristen men han· On is in water of bi leue þat | þei be leuen in þe fader & in þe sone & in þe holy | gost þe whyche beleue wascheþ oure soule of | oure vnclennesse of synne ri3t as bodiliche | watur wascheþ oure body of bodily vnclennesse | þe oþer baptem is in þe holy gost & in fuyr whan | a man casteht [sup·ras·] so brennynge a loue to god þat | he nil for no þing displesen hym· but wil gla|deliche sufferen a gret disese to fulfillen his wil|le and in mynde of þese two baptemes childe|ren ben i-cristened in water & siþen confermed of [fol 118r] þe bischop & more harm is men taken more kepe | to þes ou3tward doynges þan to þe baptemes | of here soules But þei mown ben ful certeyn | but þei ben ful sadde in soule in here bileue & si|che han [?read: han siche] a brennyng loue to god þat þei nillen | for no þing doon werkes of synne for alle here | ou3tward bodyliche doyng· þei schullen not co|me to heuene· if þei come to ful age to knowe | boþe good & yuul· & how mow we seyn þat we | dwellen in crist & þat we ben braunches þat spryn|gen ou3t of hym þat is a verrey vyne· but we | leuen synne & kepen goddis hestis· Se[i]nt ion seiþ | who þat seiþ þat he dwelliþ in crist· he mut walken | as he walked· & þanne he is a good braunche þat | bereþ meche good fru3t of good werkes & þanne | he schal haue heuene for his mede· and 3if we | beren no good fru3t· þe fader of heuene wil kit|ten vs a wey from þe vyne· And þanne we sch|ullen be drye & ben i-cast in to þe fir for to bren|ne frend now I se þat þer ne is non oþer wey to he|uene bot lif of soule & for sakyng of synne & in | kepyng goddis hestis· But frend as we wy|ten wele eueryche lyuyng þing haþ summe liflode | as mete & drynke þat makeþ hem for to lyue & | siþe we han lif of soule· I preye þe whyche is | þe mete & whyche is þe drynke þat makeþ oure | soule to lyue Sire now 3e axeþ a gret þing & | fayn I wolde telle 3ow þat 3e axeþ if god wulde | 3eue me grace & I hopede þat 3e wolden drawe 3ow | to þat lyuyng whanne 3e knewen boþe hit & his liflode | But sire more harme is I se ful fewe doon after | cristes techyng & his wordis þof þei seen hem i-|wryten ouþer heren hem i-spoken· & neuerþeles [fol 118v] in his wordes is þe lyf of oure soule· for as he seiþ | þe wordes þat I haue of spoken· ben spiri3t & lif | & he seiþ also he þat kepiþ my word· schal neuer dye | And he seiþ eft sones· I speke & I worche· as I haue | an hest and a comaundement of my fader· & I | wot wele þat his comaundement is an euere lastyng | lyf & but a man or a womman wil doon aftur cristes | wordes· whanne he knewe hem· It were bettere | for hym þat he knewe hem not· for as crist seiþ | þat seruaunt þat knoweþ not his lordes wille· & doþ | þer a 3en schal haue a fewe strokes· but he þat knoweþ | þe wille of his lord & doþ þer a3en schal haue ma|ny strokes & betynges· He seyde also » | to þe iewes in a tyme þat he had i-mad a blynd man seen | 3if 3e weren blynde 3e ne hadden no synne· But | for 3e seyn þat 3e seen 3oure synne dwelleþ stille in 3ow· and | he seiþ also if I had not i-come· & I ne hadde i-spo|ken not to hem· þei ne hadden i-hadde no synne | but now þei han non excusacioun of here synne· & | he seiþ eft sones þe more þat is i-taken to a man | þe more schal ben i-axed of hym And þerfore syre | But if 3e wulden fulfille cristes techynges in 3ou|re lyuyng· whan 3e knewen whyche it were· it | wh were litil profy3t for me to wryte more opun|lyche· vn to 3ow of þe lyf of soule & of his lyflode | þan I doon· & a gret harm it were to 3ow & encres | of 3owre peyne in tyme þat is to come & a sclaun|dre to 3oure breþeren 3if þei seien þat 3e knowen cristes | techyng & lyuede not þerafter· And crist seiþ a ful | hard word wo to þat man be whom comeþ sclaun|dre· It hadde ben good for hym þat he ne hadde be bore | & what euere he be þat sclaundereþ oon of þes smale | childeren þat be leueþ in me· it were spedeful to [fol 119r] | hym þat þer were hangyd a querne ston a bou3te his | necke & þat he were i-dreynt in þe depnesse of þe see· | And þerfore he seiþ loke 3e þat 3e dispise non of þes | smale childeren· for I sey 3ow in certeyn here aun|gels in heuene seen euere more þe visage of my fader | & in certeyn þe most perylous sclaundre is to 3e|uen 3ung innocentes ensaumple of synne & þe | more good þat aman kan & his in lyf be synful | þe more perilouse is his sclaundre & in certeyn it we|re better to aman· for to lesen any membre of his | body· þan to sclaundre þus his breþeren or hym | selue þoru synne for as crist seiþ 3if þi foot or | þi hond sclaundre þe kyt it a wey & þrow hit a-|wey from þe for þe is bettere to entre in to lyf | febul or halt· þan haue two feet or two hondes | & ben i-cast in to þe fyr of helle & 3if þi eye sclaun|dre þe put hit ou3t & þrow hit a wey from þe· | for þe is bettere wiþ oon eye to entren to þe lif | þen haue two eyen & ben i-send in to þe fyr of hel|le· And here fore sire knowit 3owre be leue in ou|re lord & in oure god iesu crist & doþ as he haþ beden | 3ow doon & leueþ synne & þan 3e han þe lyuyng | of soule & his liflode· for þe beleue in crist is boþe | bred & fleysch to oure soule· & þe kepyng of his | techyng is þe drynke of oure soule for it is boþe | water & brede [?read: ?wyne, ?blode]· frend þi answere þat þou 3e|uest in my axyng· is ful schort & ful derk al|so for me· And þerfore I preye þe 3if me a more | open answere· & myn hope is þat whan I know | cristes techyng· I wil lyf þerafter· for ellis I ne | kept not to wyten whyche it were· And frend | þenk how crist seiþ who þat 3eueþ a disciple [?read: dischful] of | cold water to oon of þes le~s~t onliche in þe name [fol 119v] of a discyple he schal not lese his mede· And frend | I praye þe in cristis owne name þat þou 3eue me sum water | of cristis wisdom to kele þe þrist of my soule þat þou | mow haue mede for þi 3ifte & profi3t also & þof þou | owene nou3t of þis mede· þenk þat crist seiþ· þe | vnprofytable seruaunt· þat lyuede in slowþe schal be þro|wen in to derkenes þere as schal be wepyng & gren|tyng of teþ· for as myche as he hadde his lordis | tresour in his kepyng & hid hit vndur þe erþe & nol|de not chafferen to encresen his lordis goodis¬ þenk | also how crist seiþ who þat seiþ axeþ ou3t of þe 3eue | hym· & ne turne þou no3t awey from hym þat wil | borewe of þe· þenk also how he wil in þe day of dome | deme þilke men to helle wiþ outen ende þat han | not i-don to hym þe werkes of loue & of mercy· þat | is to seyn þilk men þat feden hym not· whan | he was an hongred· ne 3yf ~neuere~ hym non drynken whan he was a þirst· ne cloþed hym not whan þei sy3e him | naked ne herborewed hym nou3t whan him lacked | an hows & visite hym not whan he was syke· & in | prisoun & siþe my soule is anhungered after mete | & a þirst aftur drynk· & naked for defaut of uertues & | [I] ne haue no strong hous to kepe me from stormes | of þe develes temp[t]aciouns & am sike & in prisone for | synne þat I haue doon her~e~ by foren I preye þe þat | þou write to me more opunliche of þe liflode of my | soule· to kele þe hungur and þe þrist of my soule | & telle me opunlyche þe vertues þat crist techiþ to | cloþe wiþ my soule þat I be not naked in þe comyng | of my lord but be wil i-cloþed in my weddyng cloþ | & tel me opunliche wordes þat I mow fulfillen | hem in dede þat I bylde me an hows on a hows | on a fondement of ston to a3eyn stonde wyndes | & reynes· & oþer stormes of þe deueles temptaciouns [fol 120r] & wryte to me opunliche þe techyng of crist· þat I mowe | ben i-heled þer by· of þe sekenes of my soule· & þat I | mowe ben i-counforted þer by whyles I am in prysoun | of þis world & in a strange lond as a pylgrym far | fro myn owene cuntre· & siþe my soule is derk | þoru vncunnyng for I knowe not perfi3tliche þe li3t | of cristes wordes· I preye þe þat þou write hem opun|liche & ne hyde hem not from me· for þere ne is | no man þat tendeþ a candel and setteþ hit vndur | a buschel but vp on a chaundeler þat hit 3eueþ | li3t to alle hem þat ben in þe house & goddis word | is a li3t to oure feet & to þe paþes þat we gon | inne as seiþ dauit in þe sau3ter & þerfore ne hyde | hit not from me but telle openliche þat I axed | raþer· whyche is þe lyflode of oure soule· Sir | crist seiþ fader I knowleche to þe þat þou hast i-hy|de þes þinges from wyse men & redy men & hast i-schewid | hem to smale childeren· & here fore crist seyde | to his disciples· It is i-graunted to 3ow to know | þe priueytees of þe kyngdom of heuene· but to |ere men it is [nou3t] i-graunted· for to hym þat haþ men | schul 3euen· And þilk þat haþ nou3t þat men | semeþ þat he haþ· schal ben taken a wey from | hym & þerfore I speke to oþere men in parables þat | ben derke speches for þei seyn & seiþ nou3t & | hereþ nou3t ne vnderstondeþ nou3t þat þe prophecy | of ysaye be fulfild þat seiþ þus 3e schullen here with eere | heryng· & 3e schul not vndurstounde [?read: vndurstonden] & 3e schulen ~i-seen and not i-seen~ for þe herte of þis peple is | i-mad fat & þei han i-herd euellyche wiþ here | eren & þei han i-closed here ey3en last þei seen | wiþ here ey3en & heren wiþ heres· & i-vnderston|den wiþ here hert· þat þei ben i-turned & þat I ma|keþ hem hol of her sykenes· but 3oure ey3en ben [fol 120v] ben i-blissid þat seen· & 3oure eres þat heren· for soþeliche | I sey3e 3ow þer han i-ben many prophetes & ri3tful men | þat han desyred to see þillk þinges þat 3e seen & | þei syen hem nou3t & to heren þat 3e heren & þei | herden hem nou3t· and sire siþe good of his good|nesse haþ 3eue sum knowyng of his wordis· prey|eth hym tristyliche þat he 3eue 3ow more know|yng· and I wil do my trauayle þoru þe grace of | god· to make 3ow knowen þat 3e axeden raþer | 3e schul vnderstonde sire þat crist is in two ma|neres þe liflode of oure soule þoru oure beleue | þat we byleueþ in hym· he is in on manere a bred | of heuene to þe sustinaunce of oure soule for as | he seyde to þe iewes· moyses ne 3af 3ow no bred | of heuene· but my fader 3eueþ 3ow verray bred of | heuene· for þat is verrey bred of god· þat comen | doun from heuene· & 3ifeþ lyf to þe world and aftur-|ward he seyd to hem soþeliche I sey3e 3ow· who | þat byleueþ in me· haþ an euere lastyng lif· I am | bred of lif· 3owre faderes eten aungels mete in | wildernes & þei ben dede· þis is a bred þat com | doun from heuene þat who euere eteþ þis bred· ne | dieth neuere aftur· I am a lyuynge bred þat | com a doun from heuene who þat eteþ of þis bred | schal lyuen euere more· In þis manere crist is | bred of heuene· & þe liflode of oure soule tou|chyng his godhede· for in þat he is bred þat com | doun fro heuene· he scheweþ þat he is verrey god | & þis is a principal poynt of oure byleue· & who | þat be leueþ þis he eteþ þis bred of heuene to | þe sustinaunce of his soule· And as touchyng | þe godhede of crist þat com a doun from heuene þer | ben oþer poyntes þat euereche cristen man mote nede[fol 121r]lyche beleue· On is we moten byleuen in his fader | þat sendem hym a doun from heuene to erþe· þoru þe | assent of þe holy gost· þat is þe þridde persone of þe | godhede· & we moten be leue þat þese þre persones of | þe blessed trinite· fader & sone & holygost ben oo god | and not manye goddis· but 3it neuere on of hem is |er for þe fader is not þe sone ne þe holy gost· Ne | þe sone is not þe fader· ne þe holy gost· Ne þe holy | gost is not þe fader ne þe sone· We moten be leuen | also þat þes þre persones ben endeles mi3ty· & alle | on my3t· & endeles god & alle on goodnes· & ende|les trewe & endeles witty & endeles fayr & endeles | louyng & endeles ri3tful & endeles mercyful & al | þei ben on trewþe & oon wysdome on fayrnesse on | loue on ri3tfulnesse & on mercy And þes þre perso|nes weren wiþ outen be gynnyng er þan þei maden | þe world of nou3t· And er þe world was i-mad· þei | weren in an endeles blisse· & in þat blisse þei ben now | & schullen ben in þe same blisse hereaftir world wiþ outen ende | al þis we moten be leue towchyng þe godhede of | oure lord iesu crist þat is verray bred of heuene· & | þe liflode of oure soule þat by leueþ in hym And in | a noþer maner he is þe liflode of oure soule in þat | he is man· for he seiþ þat bred þat I will 3euen is myn | owne flesche· for þe lif of þe world· & he seyde to þe | iewes· Soþeliche I seye 3ow but 3e eten þe flesche of | man sone & drynken his blode 3e ne schul not haue | lif in 3ow & who þat etiþ my flesch & drynkeþ myn | blood· he schal haue an euere lastyng lif· And I | will areren hym vp from deþ to lif in þe last day· for | my flesche is verrayliche mete· & my blood is ver|rayliche drynk· & who þat etiþ my flesche & drynkeþ | my blood· dwelliþ in me & I in hym· and ri3t as my [fol 121v] fader þat lyueþ sent me & I lyue for hym· ri3t so who | etiþ me schal lyue for me· þis is bred þat comme doun | from heuene· nou3t as 3oure fadres þat eten aungels | mete in wildernes & ben dede· who þat etiþ of þis bred | schal lyuen euere more In þis manere crist is flesch & fedeþ | oure soule þat bileueþ þat [he] is verrey man· and touchyng | his manhede· we moten bileue many þinges· Oon | is þat he was conceyued of þe holy gost· & not of | mannes seed· & þat he was i-borne of þe mayde marye | wiþ oute lesyng of here maydenhed· we moten by | leue also þat he suffered his passioun vnder pilat | of pounce & was i-hangid on a cros· & was ded & | biryed & wente adoun to helle & þe þridde day aros | from deþ to lyue· And we moten be leue þat he stey | vp to heuene· & þere he settiþ on þe ri3t hond of his | fader & from þenne he schal come to deme boþe qwyk | & dede aftir her werkis And we schullen be leue | also þat crist þoru his deþ gat vs of his fader for-|3euenes of oure synnes & he hym self for 3af vs | oure synnes· And we moten be leue þat we schul | rysen vp fro deþ to life boþe in body & in soule· & if | we han wil i-lyued· we schul come to an euerelastyng | lif of blisse boþe in body & in soule· & þer oure sou|le schal haue his blisse in þe godhede of crist· & oure | body in his manhede & þus is crist þat is verrey god | & verrey man boþe bred & flesche to þe sustinaunce | of oure soule þat be leuiþ þus in hym & for we schul|den haue mynde & not for3eten þis lyuynge of | oure soule ne his liflode a scher þorsday at ny3t | er þan he schulde passe ou3t of þis world to his | fader as he & his disciples seten at þe soper he toke | bred & blessid hit· & brake hit & seyde· tak þis & eteþ | þis· þis is my body þat schal be take for 3ow makeþ [fol 122r] þis in mynde of me· And þus syre eueryche cristen man | þat be leueþ þat crist is verrey god· etiþ eueryche day bred | of heuene· & in þat he beleueþ þat crist is verray man | he eteþ eueryche day his fleische & his body· And þis bred | & þis flesche is þe mete of oure soule· But oure [soule | lyueth] not onlyche in þis bred· for as crist seiþ· | a man ne lyueþ not in bred alone¬ but in eueryche | word þat passeþ ou3t of goddis mouthe· & þat wor|de· is þe drynk of oure soule· & what maner drynk· | in certeyn clere water of heuenelyche wysdom· | Of þis water crist spak on atyme to þe womman | of samarye· for he seyde to þat womman· 3if þou knewe | þe 3ift of god & who he is þat seiþ to þe 3if me dryn|ke· Peraunter þou woldest an axid of hym & he wol|de haue 3eue þe lyuyng water· & þoo þe womman seyde no|þer þou hast a uessel to drawe vp water & þe pitte is depe | from whennes þanne hast þou lyuyng watir· wheþer þou | be gretter þanne iacob oure fader þat dranke here of & his | childeren & his bestes & crist seyde eueryche man þat drin|keþ of þis water schal ben a þirst eft sones But who | þat drinkeþ of þat water þat I wil 3euen he schal neuere ben | a þirst· for þat water þat I wil 3euen hym· schal ben | made a well in hym þat schal be lepyng in to an euere|lastyng lif· Of þis ilke water drynken alle þilke | men· þat kepen cristes wordes as he tau3te to hem· & | þes wordes ben two wordes of loue· þat enclosen alle þe | ten hestis· þe first word of þes is þe first & þe grettest | comaundement of goddis lawe· & þat is þou schalt | loue þi lord god· abouen alle oþer þinges· for crist | seiþ who þat loueþ fader or moder broþer or syster wif | or child· abouen hym he ne is not worþi to hym | & who þat hatiþ not his owne lif for me he ne is not | worþi to me And who þat loueþ god in þis wyse· [fol 122v] he kepiþ þre þe first of þe ten hestis· for he nil þanne he|ryen no god bot oon & he wil halewen his halyday | for euereyche day he wil lyuen holyliche· ou3t of synne | & so he haleweþ not oonlyche þe seuenþe day· but | eueriche day of þe wyke· & in certeyn eueryche day þat | aman lyueþ in synne· is þe deueles werke day· for þat | day þat a man doþ þe deueles werkes· þanne he | seruiþ þe deuele¬ & not god· þof he synge or rede holy | wordes· for þer may no man serue two goddis at lordes | at ones & goddis seruise is doyng of goode werkes· | & leuyng of synne· & þis is holy day lyuyng· | þat eueriche cristen man haþ þat loueþ god abouen alle oþer | þinges And he kepeþ also þe þridde heste of þe ten | þat is þou schalt not take þi lordes name in veyn· | for he þat loueþ god abouen alle oþer þinges nyl | do no þing þat god for bedeþ· ne þat is desplesyng | to god· & þanne he nyl not take goddis name in veyn | In two maners aman may take goddis name in veyn | On is whan a man swereþ be þe name of god þere | as it is no nede· In anoþer manere a man takeþ | goddis name in veyn· whan he clepiþ god his lord | & 3it ne drediþ hym not as a seruaunt schulde· ne | is not buxum to his hestis· oþer whan a man clepiþ | god his fader¬ & ne loueþ hym nou3t as a good | child schulde· ne is not buxum to his wille but | he þat loueþ god a bouen alle oþer þinges he nil | not take goddis name in veyn in noon of þes maners | & so who þat kepiþ þis comaundement of loue· he | kepiþ þre þe first of þes ten hestis· þis loue had | oure lord iesu crist to his fader of heuene to 3euen | vs ensample how we schulden loue oure lord fa|der of heuene abouen alle oþer þinges· & in two þin|ges he schewed his loue· On þing was þat in al [fol 123r] his techyng & worchyng he soughte þe worschipe | of his fader & for sok many worschipes & lykyn|ges for he nolde not displesen his fader· & breken | his heste· for whan he was transfigured in an hille | bi foren his disciples· & his face was bri3t as þe | sonne an [?read: and] his cloþes weren whyghte as þe snow & | moyses & helye aperid to hym petir seyde sire it | is good to dwelle here 3if þou wilt make we here | þre tabernacles· oon to þe oon to moyses· & oon to | helye· & a voys cam from heuene þat... seyde þis is | my leeue sone in whom I am plesed here 3e him· | al þis lykynges crist lefte to goon in to þe disese of þe | world to ful fille þe wille of his fader· And whan | þe peple wolde han i-hadde hym to here kyng· he fleþ | a wey fro hem in to þe wildernes· for he wolde not dis|plesen his fader· And whan þe deuel temptid hym & | schewid hym al þe kyngdoms of þe world & þe blisse | of hem he seyde to crist al þis I wil 3eue þe 3if þou | willt falle a doun & heryen me· & crist seyde· Go a wey sa|tanas it is wryten þou schalt heryen þi lord god· | & seruen hym al alone· In þes doynges & in many |ere crist for soke his owne wurschipes & lykynges | to fulfillen þe wil of his fader & in þat he scheweþ þat he louede hys fader abouen al oþere | þinges In a noþer þing also he schewiþ þis same | loue for he suffered wilfullyche what disese men | wolden do to hym boþe of word & of stroke & of | deþ· for he wolde not ben vnbuxum to his fader | ne doon a3eyns his wille· for in þe ny3t be forn his | passioun he seyde þe spiryt is redy· but þe flesche | is seke [?read: weke] & whan he come to þe place· þere as he wol|de make his preyere & knew ful wele how gret | a penaunce him was toward· he seyde fader If it mow | be· late þis cuppe passe a wey from me· But neuereþeles [fol 123v] nou3t as I wole· but as þou wilt· and he seyde also | fadir 3if þis cuppe ne mowe not passe a wey fro me | but I drynke hym þi wille be fulfillid· And þus | crist was buxum to his fader of heuene· to þe deþ ¬ techyng vs to be boxom to our fader & to louen hym in | þe same wyse· And 3if we louen so myche oure god | þat we wulden for his loue sufferen þe deþ· þan | ne drynk we cristes blood to sauacioun of oure sou|le & of þe same cuppe þat crist drank· & for we schul|den haue mynde· how crist schede his blood· for loue | of his fader & help of his breþeren· a schire þorsday | at ni3t at þe soper· he toke a cuppe wiþ wyn & bles|side it & seyde to his disciples drynkeþ here of euere|ychon· þis is my blood of a newe testament þat schal ben | « scheed in for 3euenes of synnes· And who þat loueþ | god a bouen alle oþere þinges· & by leueþ in cristes pas|sioun· he drynkeþ cristes blood to sauacioun of his sou|le· & but he haue þis loue· he schal not ben i-saued· | þof he be leue alle þe poyntes of oure be leue· | for seynt poule seiþ· þof I speke wiþ mannes tun|ges or wiþ aungels· & I ne haue no charite· I am | i-mad as bras þat souneþ· or a cymbale þat ~tyn~|geþ & þof I haue eueryche prophecye & kunnynge & I | knowe priueytes & þof I haue eueryche by leue In | so muche þat I mowe meue hulles from here pla|ce· & I ne haue not charite· I ne am nou3t & þof | I dele al my good to fede poore men· & 3eue my | body to brenne in þe fyre· & I ne haue not chari|te· it profyteþ me no þing þus syre & vs lacke | charite nouþer be leue ne non oþer þing schal | stonde vs to profy3t & in certeyn þe first & þe most prin|cypally party of charite it is to loue god a bouen | alle oþer þingges· & þer comeþ no man to heuene | but he haue þis loue & so drynke of cristes cuppe [fol 124r] for crist bad alle hys disciples drynken of his cuppe & | so þei diden but not alle in oon wyse· for iudas drank of | þe bodyly cuppe· as þe oþere bodily disciples diden· | But for he ne loued not god as þei diden· but | was fals in his herte & a bou3te to be trayen his lord | & his mayster þerfore he drank of þe cuppe of god|dis wraþe & of his indignacioun & hangyd hym sel|uen for sorowe of his synne But þe oþere discy|ples þat loueden god a bouen alle oþer þinges· & | weren redy for his loue to suffre þe deþ þei drun|ken of cristis cuppe & of his blood to þe sauacioun | of here soules· & afterward þei drunken a cuppe | of clere wyne wiþ crist in þe kyngdom of heuene þat ma|de here hertes glade· for wyne gladeþ mannes hertes & | no wyne so myche as þat wyne þat comeþ of hym· þat | is a verrey vyne & of þis wyne schal no man dryn|ke· but 3if he drynke of þe cuppe þat I spake of rather | for whan cristis cosyne preyde him þat oon of hire so|nes mi3t sitten on his ry3t syde & þat oþere on his left | syde in his kyngdom crist seyde· 3e witteþ not what | 3e axen· mow 3e drynke þe cuppe þat I schal drynke | & þei seyden we mowne· And crist seyde my cuppe | 3e schul drynke but to sitte on my ri3t syde· or on | my left syde· it is not myn to graunte 3ow but to | þilk þat is i-ordeyned of my fader And sire who þat | haþ þis for sayde loue to god· he drynkeþ cristes blo|od· & of his cuppe as I seyde raþer to þe sauacioun of his | soule he offereþ also to god· þe most plesyng offeryng | & sacrifice þat he may offere to hym· for þoru þis loue | he offereþ hym seluen to god· And as god seiþ be da|uit in þe sautere· A sacrifice of herying schal wurschipe | me & þer is no wey in þe whyche I schal schewen hym | my hele & my blisse· And among alle þe heryinges [fol 124v] of god· þe grettest herying is þis loue· for feiþ hope & | charite· ben þre heryinges to god· but þe grettest hery|ing of god is charite· as seynt poule seiþ· & charite is | cristes lawe in þis world· & bryngeþ aman to þe blisse | of heuene· þe whyche blisse is likyng of soule loue | þat creatures han to her god· & euerychon to oþer· And of | þis herying of loue· þer comeþ a noþer gret herying | to god of þe whyche heriyng dauid seyde in þe sauter | a sacrifice to god is a spiry3t· þat is i-trubeled· & ano|yed for his synne· And god þou ne wilt not dispisen | an herte þat is contrit & ~humulied~ to þe· it is cer|teyn þat 3if aman loueþ god wiþ al his herte· & a-|bouen alle oþer þinges· whan he knoweþ how he haþ | displesyd god þoru synne he wil make miche sorowe | in his herte for his synne· & humylien hym seluen | ful lowe to god to haue for 3euenes of his trespas· | And in þis wyse mary maudeleyne hadde for 3eue|nes of hire synnes· for crist seiþ many synnes were | for 3euen hire· for scho loued myche· & but aman | loue god with al his herte· & wiþ al his herte for | þinkyng his synne elles be he certeyn þat he ge|teþ not of god for 3euenesse of his synne· alle þes | prophetes þat I haue i-told· folewen siche men þat lo|uen god a bouen alle oþere þinges· And crist seiþ þe | secunde grettest comaundement is i-lyche to þis þou | schalt loue þi broþer as þi seluen & in þes two co|maundementis hangeþ alle þe lawe & þe prophetes· | for who þat kepiþ þe first comaundement he doþ | alle manere þinges þat he oweþ to do to god· & he | kepiþ þre þe firstes of þe ten hestes· And who þat | kepiþ þe secunde comaundement· he doþ alle þinges | þat he oweþ doon to his broþer· & kepiþ þe [toþer] seuene | hestes of þe ten· for he wurschipeþ his aldren & not [fol 125r] & not onliche hem· but also his breþeren & he nyl | not sleen his broþer ne defoulen his sister þoru his | lust of stynkyng lecherye· Ne ~he nil be no~ þef to | robben his breþeren· ne he nyl ~bere no fals~ wit|nes a3eyns his broþer· Ne he nyl not coueyten his broþer wyf | ne his seruaunt ne non oþer good þat he oweþ· her ben | seuene hestes i-kept· of þe ten þat god bad summe | tyme· In þis on heste þou schalt loue þi broþer as | þi seluen· & so alle þe ten hestes ben i-kept in þes | two wordes of loue & þerfore seynt poule seiþ· who þat | loueþ fulfilleþ þe lawe· Also he þat kepiþ þes two | hestis of loue· he leueþ þe seuene dedly synnes· for | he nil not ben proud· for pride or hit is an vnskil|ful heighnes þoru þe whyche aman is vnbuxum | to god & to his hestes· Oþer it is an vnskilful heigh|nes þat aman heigheþ hym seluen vnskilfulliche | abouen his breþeren & dispiseþ hem· but who þat | loueþ god· ne haþ not þe first pride & he þat loueþ | his broþere as hym seluen ne haþ nou3t þe secunde | Also he þat haþ þis loue leueþ coueytise for he þat | loueþ god nyl desyren no þing þat is a3eyns his | ordenaunce· & god is so mesurable in 3euyng þat he | haþ þat he fayleþ no man· in þat þing þat hym ne|deþ ne granteþ no man more þan hym nedeþ· but co|ueytouse men þat louen here goodis more þan god· | for defaute of loue desireþ more þan hem nedeþ a3eyn | goddis wille· And for þei louen not here breþeren as | hem seluen· þerfore þei desyren here breþeren goo|dis to maken hem seluen ryche· and of þilk goodis | þat þei han· þei nyl not departen wiþ here nedy bre|þeren· & he þat haþ þis loue nyl not lyuen in slou|þe· for he wil ben a bou3te wiþ al his mi3t to ser|uen his god in kepyng his hestis· And after þat [fol 125v] grace þat he haþ vndurfongen of god· he wil forsaken his | owne lif & putten him self to disese & to trauaile for | help of his breþeren· And who þat haþ þis loue· he nyl | haue no dedly wraþe to his broþer ne desire no ven|geaunce on hym· þof he haue i-trespased ful gret|liche a3eyns hym· & he þat haþ þis loue· nil haue | non enuye to his broþer· for nowþer he wil be glad | of his harme· ne sory of his weele· as enuyous men | ben· Ne he wyl not bacbiten him· ne speke no þing | biforen hym· for his harm· And he þat haþ þis lo|ue wyle nou3t breke þe heste of god ne for his ow|ne lykyng bryngen his broþer ne his sister in to | grete mischef & sorowe· as þes foule lechoures doon | þat for here stynkyng lustes bryngen here breþeren & | here sisteren in to þe deueles seruise & his þraldom | from þe seruise of god· & after ward in to þe endeles | peyne of helle þat is a sorowe wiþ outen mirþe· | And he þat haþ þis luf· wile not take his mete ne | his drynke but in mesure as hym nediþ· for who | þat doþ glotonye & takeþ his mete & drynk a3eyn | þe wille of [?read: and] ordinaunce of god· & siche a glotoun & a | wastoure deuoureþ many mennes lif lode· boþe to | his owne harm & to harm of his breþeren for de|faute of loue· þus aman leueþ þe seuene dedly syn|nes þat kepiþ þe two comaundementes of loue | And who þat haþ þis luf· he doþ þe werkes of | mercy· for 3if he seeþ his broþerre an hungred· he | wil 3eue hym mete· and if he is a þirst· he wil 3eue | hym drynke· & if he be naked he wil 3euen hym | cloþes· & if he lacke herborewe· he wil leenen hym | an hous & 3if he be seke oþere in prisone he wole visi|ten hym & conforten hym· And if he be ded· he by|ryeþ his body in þe erþe· þes ben þe werkes of loue [fol 126r] & of mercy· þat men wolen doon· þat kepen þe two for-|seyde comaundementes of loue· & þis loue is cristes | lawe þat alle cristen men schulden kepe· for as crist | seiþ alle þinges þat 3e wollen þat oþer men doon to | 3ow· do 3e þe same to hem for þat is þe lawe & þe | prophetis· And in certeyn alle þinges þat crist biddeþ | doon to oure breþeren or it is loue or it comeþ ou3t | of loue· or it norischeþ loue crist seyde to his disciples | þis is my comaundement þat 3e louen to gedere as | I haue loued 3ow & in þis men schul knowe· þat 3e | ben my disciples· 3if 3e louen to gedere· & what ma | manere of loue 3e schul haue to 3oure breþeren· crist | techiþ in þat word· Do 3e to oþere men· as 3e wil þat o | þere men do to 3ow· he seiþ also it was i-seyde summe | tyme þou schalt loue þi frend· & hate þi enemy· | But I seye 3ow loueþ 3oure enemyes· and doþ wele | to hem þat han i-hated 3ow· Blesseþ hem þat cur|sen 3ow· & preyeþ for hem þat purswen 3ow· & þat | desclaundren 3ow· þat 3e ben 3oure fadres childeren | þat is in heuene þat makeþ his sone risen vp on | good men & vp on yuul men· & reyghneþ vp on ri3t|ful men & vp on vnri3tful men· for if 3e loueþ onli|che þilk þat louen 3ow· what mede schul 3e haue | so doon puplicanes· & if 3e gretteþ oonliche 3owre | owne breþeren· what schul 3e doon more· so doon he|þen men· wherfore be 3e perfy3t· as 3oure heuene|ly fadre is perfi3t And many tyme whan crist bad a | pharyse þat he schulde loue his nexte broþer as | hym seluen & seyde þat hit was oon of þe gret|test comaundementis of goddis lawe· þe pharise | axid hym who was his broþere nexte· And crist told | hym a taale & seyde þer was a man þat wente from | ierusalem in to ierico & fel among þeues & þei robbeden [fol 126v] hym & wondiden hym· and bonden hym fast & wen|ten here wey & leften [hym] liggyng vnnethes half | lyuyng· & as he lay þer cam be hym a prest & had|de no reuþe of hym· but passed forþe his wey & | lete hym ligge stille A dekene also went þe same | wey & dide in þe same wyse· but a samaritan þat | com þe same wey· seiþ þe man & had reuþe of hym | & vnbonde þis man & wysche his woundis wiþ wyn | & wiþ oyle & knytte vp his woundis· & siþ cast hym | vp on his asse & ledde hym to towne & brou3t | hym to an hostiler & preyde hym þat he wolde | take kepe to þis man & he wolde make hym go|ode his trauaile & for his costes· & he toke him two | pens to spende· & what euere he spende more he | seyde he wolde make hym good· And whan crist | hadde told þis tale he axide þis pharise whyche | of þes was nexte ney3bore to hym· þat fel a-|mong þe þeues· & he seyd þilke þat had mercy of | hym· and crist seyde go & do þou in þe same wy|se· In þis tale crist techeþ vs to loue oure enemy|es þat was i-woundid as oure seluen· for þe sa|maritan & þe iew þat was i-woundid weren enemys· & 3it he had|de reuþe of hym & dide to hym as he wolde þat | men diden to hym & so euery cristen man schul|de louen his enemy as hym seluen· And þer fore | seynt poule seiþ· 3if þin enemy is an hungred | 3if him mete· & if he is a þirst 3eue hym drynk | & 3if þou dost so· þou schalt gedere to hepe coles | of fuyr vp on is hede· And ne be þou not ouer | comen of yuul· but in good ouer come þou yuul | þis loue & charite is cristes lawe· & for we | schulden not lesen þis charite crist chargeþ | vs wiþ six vertues· þat comen out of loue· and [fol 127r] [norischen loue· Oon of þes is myldnesse· seynt poule seiþ 3eldeth] no man yuul for yuul· but doþ· & ordeyneþ goode | þinges· not oonliche before god· but also be foren | alle goode men & 3if hit mow be þat in 3ow is· haue | 3e pees wiþ alle men· & ne defendeþ not 3oure seluen | but 3eueþ place to wraþe· for it is i-write ¬ to me | vengeaunce ¬ & I wil 3elden a3eyn seiþ god & 3if þin | enemy be an hungered· fede hym & 3if he be a þirst | 3ife hym drynke & doyng þes þinges þou schalt | gedere to hepe coles of fuyr vp on his heed· & be | þou not ouer come of yuul· and ri3t as in þe oolde | testament men fou3ten for here lawe· & for here | ri3tfulnes ri3t so men schulden in þis new testa|ment· sufferen & nou3t fy3ten for ri3tfulnesse | & so crist dide þat was 3euer & maker of þis newe | testament· & whan on of his seruauntes smot for | his loue· crist bad hym putten his swerd in his | scheþe· & seyde who þat smyteþ wiþ a swerd with | a swerd he schal perische· And in þe apocalips hit | is i-wryten· who þat sleeþ wiþ a swerd· he mut | be slayn wiþ a swerd· And herefore crist seiþ· i-bles|sed be pesyble men· for þei schullen ben i-clepid god|dis childeren· and he seiþ also þei ben i-blessed þat | suffered persecucioun for ri3tfulnesse· for þe kyngdo|om of heuene is heris· and for þis sufferyng þat | crist techeþ men to kepe· & to norische loue among | hem seluen· he is i-cleped prince & kyng of pees | boþe of ysaye & of zacharye þe prophetes· for Iseye | Isaye seiþ þer schal ben in þe last dayes an hul i-or|deyned goddis hous in þe coop [?read: toop] of hulles & he schal | ben arerede vp a bouen alle hylles & alle folk schul|len come to hym & myche peple schullen come | & sey3en ~C~om we & steye we to goddis hyl & to þe | hous of god of iacob· & he wil teche vs his weyes [fol 127v] & we schullen walken in his paþes· for ou3t of syon | schal come þe lawe & goddis word ou3t of ierusalem· & he | schal deme myche folk· And vndurnyme myche pepul | and men schullen blowe to gydere here swerdes in to | scharres & here speres in to sikeles· & on peple ne | schal not heuen vp his swerd a3eyn anoþer peple | ne þei schul not ben i-hauntid after þat tyme to | batayle· And zacarye þe prophete seiþ· be þou ful glad | þou douter of syon & make myche mirþe þou dou|t~e~r of ierusalem· for lo þi kyng comeþ to þe· þat is ri3t|ful & sauyour· & he is pore & he lepeþ vp on an asse | & vp on an asse colt & he wil destrye þe char of effra|ym & þe hors of ierusalem· & þe lawe of batayle schal | be distryed· & he schal speke pees to þe peple & his | power schal be from see to see· & from þe floodes to | þe endis of þe erþe· And siþ cristis lawe is charite· | & pacience is a condicioun of charite· Nedeliche who | þat wil kepe goddis lawe mut be pacient & suf|ferynge & certeyn elles he foleweþ nou3t crist· & sore | a drade mowe þes proud men ben þat seyen þat þei | mowe not sufferen for schame of þe world· It is cer|teyn þat he þat is aschamed to sufferen· is a schamed | to knowleche þat he is cristis seruaunt þat suffered | ful myche· And crist seiþ who þat is aschamed to kno|wleche me & my wordes be fore men· I wil ben a-|schamed to knowleche hym be fore my fader in heue|ne· and þan as þe apocalips seiþ· kynges of þe er|þe & princes & riche men· & strong men· & bond & fre | schullen hyden hem in dennes & roches of hilles· & | þei schullen seyn to hylles & stonnes falle 3e doun | vp on vs & hydeþ vs from þe face of hym þat sitteþ | on þe trone· & from þe wraþe of þe lomb· for þe | grete day of his wraþe is comen· & who is he þat [fol 128r] may stonde· Of mekenesse þat is a noþer vertu þat comeþ | ou3t of loue & norischeþ loue· also. crist seiþ· i-blessed be meke men for þei | schullen i-see god· and of alle þinges þat crist haþ tau3|te his disciples· oon of þe moost was þat þei schul|den ben humble & meke· In a tyme þer was a stryuyng | be twyne þe disciples whyche of hem were grettest· | And crist seyde kynges of mys beleued men hauen | lordschipe of hem· & þilk þat han power vp on hem | ben i-cleped wel doeres· but it schal not be so a mong | 3ow· but he þat is grettest of 3ow· schal ben as þe 3on|geste· And he þat is a forgoere be he as a seruaunt· | for wheþer is he þat sitteþ at þe mete· grettere ¬ þen | he þat serueþ· ne is he not þat sitteþ at þe mete· but | I among 3ow as he þat serueþ· & in anoþer place as | he tau3te hem þis mekenes & seiþ mannes sone cum|me nou3t to ben i-serued· but for to seruen & to 3ifen | his lif for biggyng of many men & for he wolde te|chen hem mekenes in dede as wil as in word· þe | ny3t be foren his passioun· he wysch his disciples | feet & seyde to hem wyte 3e what I doon haue· 3e | clepeþ me mayster & lord· & 3e siggeþ wil· for so I am | & þerfore 3if [I] haue wasche 3oure feet· þat am boþe | mayster & lord· euerychone of 3ow schal wasche oþere | feet· for I haue 3eue 3ow ensample þat 3e doon as | I haue doon to 3ow· And whan his disciples axi|den hym· who was þe grettest in þe kyngdom of he|uene· Crist clepid to hym a litul child & sette hym | in þe myddel of hem and seyde Soþeliche I saye | 3ow but 3e ben I turned & ben i-made as smale chil|dren· 3e ne schul not entren in to þe kyngdom of | heuene· & þerfore who þat humbleþ hym as þis child | doþ· he is grettest in þe kyngdom of heuene· and as | a noþere tyme crist seyde· suffereþ smale childeren come [fol 128v] to me· for þe kyngdome of heuene is of siche· and | þo he seyde· Soþeliche I seye 3ow· who þat vndurfon|geþ not þe kyngdom of heuene as a litul child· he | ne schal not come þerinne two poyntes of mekenes | crist techiþ vs to haue· One is þat we dispise not | oure breþeren þat ben in cas not so worþi as we ben | ne þat we hyghe nou3t oure seluen for oure goo|de werkes abouen oure breþeren þat perauntre ne | do nou3t so goode werkis· for as crist seiþ· þer wen|ten two men in to þe temple to maken her preyeres | þe one was a pharise & þe oþer was a puplican· | and þe pharise seyde· lord I þanke þe· for I am not | as oþere men ben· þat ben robberes & vnry3tful· | & spousebrekeres & coueytous ne as þis publi|can I faste twyes in þe wyke & I 3if þe tiþinges | of alle þe goodes þat I haue· but þe publican ne | heued not vp his yen but smote his brest & seyde | lord haue mercy on me þat am a synful man· and | crist seiþ· þees went hom i-iustified of þe oþer· | for who þat hygheþ hym self schal ben i-hum|blid & who þat humbliþ hym self schal ben i-hyg|hed And crist seiþ in an oþer place· It whas i-sey|de sumtyme· who þat sleeþ is gylty of þe dome· | but I seyghe 3ow who þat is wroþe wiþ his | broþer· is gilty to þe dome· & who þat sayth to his broþer fy is gylty to counseyl· & who þat seiþ | to his broþer fool is gylty to þe fuyr of helle· In | þis maner a cristen man schulde be meke· for me|kenes nurscheþ loue ri3t as vnskilful hygh|nesse destrieþ loue An oþere poynt of mekenesse | crist techeþ & þat is þat we sechen nou3t þe wur|schipe of þe world· ne þat we doon nou3t oure | goode werkes to haue wurschipes for hem· of | þe peple· for he seiþ vp on moyses chayer þer han [fol 129r] i-setten scribes & pharisens· & what þei bidden 3ow | doon kepiþ it & doþ hit· but doþ not after her wer|kes· for þei seyn & doon not hem seluen & þei bid|den heuy berþenes· þat mown not ben i-born & leg|gen hem on menne schulderes· but wiþ here owe|ne fyngeres· þei nullyn not mouen hem· & alle | her werkes þei doon to be i-seyn of men· for þei | drawen a brod her philatories & magnifyen þe | hemmes of her cloþes· And þei louen þe first syt|tynges at þe soperes· & gretynges in chepynges | & þe most wurschipful chayeres in synagoges | & to ben i-clepyd maystres of men· But ne wy|le 3e not to be i-clepid maystres for oon is 3oure | maystre· & alle 3e ben breþeren· And ne clepe 3e | not to 3ow no fadir on erþe· for oon is 3oure fa|der þat is in heuene· Ne be 3e not i-cleped mayst|res· for oon is 3oure maystre crist who þat is gret|test of 3ow schal be 3oure seruaunt· for who | þat humbliþ hym self schal ben i-hyed & who | þat heith hym seluen schal ben humblid· Crist | techiþ vs also· þat whan we doon almes dede or | fasteþ or preyed we schullen doon hit priueliche | & nou3t for to ben holden holy men of þe peple· | for he seiþ whan þou dost almes ne blowe hit not | wiþ a trumpe as ypocrites doon in synagoges & in | stretes· to ben wurschiped of men· soþeliche þei han receyued her mede but whan þou|dost almes· ne wyte not þi lift hond what þi ri3t | hond doþ· þat þin almes be in hydles· & þi fader | þat seeþ in hydles· wil 3elde þe þi mede· And whan | 3e preyen 3e schul not ben as ypocrites dreri þat lo|uen to pray stondyng in sinagoges· & in corneres | of stretes to ben i-seen of men· Soþeliche I sey3e | 3ow þei han receyued here mede· But whan þou [fol 129v] preyest· go in to þi chaumbre & spere þi dore & preye | þi fader in hydles & þi fadre þat seiþ in hydles wil | 3elde þe þi mede· & whan 3e preyen ne spekeþ not | myche as mysbeleued men· doon· for þei wenen þat | þei ben i-herd þoru here myche speche· & þerfore ne be | 3e not i-liche hem· for 3oure fadir wot what 3ow | nedeþ· or þan 3e axen hym any þing· And þus 3e | schullen preye· Oure fadir þat art in heuene· | i-halewed be þi name þi kyngdom come to vs· þi | wyl be hit doon in erþe· as hit is in heuene· 3if vs | to day oure euerydayes bred· & for 3eue vs oure det|tes· as we for 3euen oure dettours· & ne lede vs not | in to temptacioun but delyuere vs from euele· Amen·· | And 3if 3e for3eueþ oþere men here trespaces 3oure fader | heuenliche wil for 3eue 3ow 3oure synnes· & if | 3e for 3eueþ not oþere men 3oure heueneliche fader | wole not for 3eue 3ow 3oure synnes· & whan 3e fas|teþ ne be 3e not as ypocrites drery· for þei defacen | hem seluen to seme fastyng to men· Soþeliche | I seye 3ow þei han receyued here mede· But whan | þat þou fastest anoynte þin hed & wasche þi face þat | þou seme not fastyng to men· But to þi fader in | hydles & þi fadre þat seþ it in hydles wil 3eue þe | þi mede· In þis wyse sire crist techeþ vs to doon | oure werkes in mekenes· for elles we mowen lesen | oure mede· Of porenesse in spiri3t crist spekeþ & | seiþ i-blessed ben pore men in spyri3t· for þe kyng|dom of heuene is heres· & woo to riche men· | for þei han here counfort in þis world· Suche men | ben pore in spiri3t þat wilne not to ben riche but | desiren þat hem nedeþ & no more· And so þilk | þat han litul good· 3if þei desiren to be riche þei | ben not pore in spiri3t· but þei ben coueytous [fol 130r] for defau3t of loue· & coueytise distrieþ loue· ri3t | so porenesse in spiri3t comeþ ou3t of loue· & norische | iþ loue· Also & þer is no trewe cristen man· but 3if | he haue þis porenesse in spiri3t· In a noþer place also | crist techiþ vs to ben pore in spiry3t· & to leuen co|ueytise· for þer com a man to crist & preyde hym | to departen his heritage be twix his broþer & hym | & crist seyde man who made me domes man on | 3ow & þoo he seyde to his disciples· be 3e war of e|ueriche coueytise· for no mannes lyuyng is in þe ha|bundaunce of his goodis þat he haþ· Of þe why|che wordes it wil folewe þat it is coueytise· for | aman to wilne more þan hym nedeþ to his ly|uyng· and herefore crist bad his disciples þat þei | schulde not maken here tresoure in erþe þer as rust | & mowtis mowe destrye hit & þere as þeues mo|wen digge þerto & stelen hit a wey· but he seyde | makeþ 3owre tresoure in heuene þer as is nowþer | rust ne mowte & þer þeues ne mowe not comen | þer to ne stelen it a wey· for þer as þi tresour is· þer | is þin herte And afterward he seyde þer may no | man seruen two lordes· for or he mut haten þe | toon & loue þat oþere· Oþere susteyne þat oon | & dispise þat oþer 3e mowe not serue god & 3oure | richesses & þerfore I sey 3ow· ne be 3e not besy to 3oure | soule what 3e eeten· ne to 3oure body how 3e ben | cloþed· for þe soule is more worþi þan mete & | þe body more worþi þan cloþing· be holdeþ þe brid|des of heuene þat nouþer sowen ne repen ne | gaderen nou3t in to bernes & 3oure heuenly | fader fediþ hem· And ne be 3e not more worþi | þan þei ben· And whyche of 3ow þinking may | throwen a cubyte to his stature And of cloþing [fol 130v] ware to be 3e bisy· be holdeþ þe lilies of þe feld how | þei growen ¬ þei nouþer trauelen ne spynnen· & I | sey 3ow þat salomon in alle his blisse ne was not | i-cloþed as on of þes· And 3if god cloþe so þe he|ygh of þe feld· þat groweþ to day or to morewe | is cast in to þe houene· myche more he wil cloþe | 3ow of litul feiþ· And þerfore be 3e not besy sey|ing what schul we ete· or what schulle we dri|nk or how schullen we ben cloþed· for alle þes þin|ges mysbeleued men enqueren· & þerfore secheþ first | þe kyngdom of heuene & þe ri3tfulnesse þer of & | al þese þinges schul ben i-cast to 3ow· Of þis | men mown i-se þat siþen a cristen man ne sch|ulde not ben bisy in his þou3t a boute his ~mete ne aboute his~ drynk | ne aboute his cloþing & 3it hym nedeþ al þis to | his lyuyng· for no þing he ne schulde not be be|sy to gete myche richesse for þat nedeþ not to a man|nes lyuyng· And siþ god doþ al þat he doþ in me|sure· & is so mesurable in 3euyng· þat he ne 3eueþ | no man more þen hym nedeþ· ~ne fayleth no man in þat þing þat him nedit~ A gret synne it is | to wilne more þan a man nediþ· for it is couey|tise· & he þat holdeþ goddis goodes in his kepyng | to spende hem for is owne lust· þer as it is no ne|de· It is certeyn þat he holdeþ þilk goodis a3eyns | goddis wille & þanne he is a þef þat robbeþ god | of his goodis· & not oonliche god· but oþere pore | men also þat neden siche goodis· for god ne 3eueþ | nou3t to oo man more richesse þan to a noþer | oonliche for hym seluen· but for he schulde | departen it among his nedy breþeren· & but a | man do þus he nis not in charite· for as seynt | Joon seiþ· who þat ha~þ~ substaunce of þe world & seeþ | his broþer haue nede· 3if he close his herte from [fol 131r] his broþere· how dwelliþ þe charite of god wiþ|Inne hym· And þerfore he seiþ ne loue we not in word | ne in tunge but in dede & in treuþe· And a ful hard | word seyþ seynt Jame to riche men of þe world· for he | seiþ wepe 3e riche men· & make 3e sorewe· for þe wrec|hednes þat schal come to 3ow her aftur· 3oure ri|ches is for rotid· & 3owre cloþes ben i-eten wiþ mo|wtes· 3owre gold & 3ower siluer is i-rustid· & 3owr~e~ | rust schal ben in wittenissyng to 3ow· & schal ete | 3oure flesch as fuyr· 3e tresoreþ to 3ow þe wraþe | of god in þe last dayes· wolde god þat þese riche men | wolden take kepe to seynt poules wordes as he | seiþ· we browten no þing in to þis world· & it is | no doute þat we mowen bere no þing hennes & | þerfore haue [we] liflode & helyng be we apayed· for þilk | þat wilneþ to ben i-maad riche þei fallen in to temp|tacioun· & in to þe deuels grene & in to many vn|profytable desires & noyful þat drenchen men in-|to deþ & in to perdicioun· for þe rote of al yuel is co|ueytise· þe whyche sum men han desired & han i-er|red from her feiþ & han i-brou3t hem seluen in-|to myche sor~e~we And he biddeþ riche men of þe | world þat þei hope not in þe victorie of richesses but | in god þat lyueþ· þat 3eueþ vs alle þinges plente|uosliche to vsen hem & to do wil wiþ hem· & to | ben i-made riche in goode werkes in 3euynge li3t|liche & in comunyng here goodes to hem· þat ben | nedy to maken hem tresour & a good fundement | here after þat þei mowen hauen þat lyf þat | wil lasten wiþ outen ende· And herfore sire be 3e | pore in spiri3t· & leueþ couetise ¬ 3if 3e þinken co|me to heuene· for coueytise is a seruice of fals | goddis as seynt poule seiþ· & siche schul not haue [fol 131v] þe kyngdome of heuene as he seiþ in certen· Treu|þe is a noþer uertu· þat comeþ ou3t of loue· & norischeþ | loue also· for who þat loueþ god· he wole loue trew|þe & be trewe boþe in werk & in word· for god hym self | is treuþe & endeles trewe· as he seiþ in þe gospel þe de|uel was mansleere from þe be gynnyng· & ne haþ | not stonden in treuþe· for treuþe is not in hym and | whanne he spekeþ ~lesing he spekyt~ of his owene· for he is alyere & fa|der of lesynges And siþ crist come to bringe vs ou3t | of þe deueles seruice to ben goddis childeren & his | seruauntes also· Nedeliche we moten leue alle ma|nere lesynges for crist seiþ who þat doþ synne· is seruant | of synne· and þanne who þat makeþ lesyng he is | seruaunt of lesyng· & of þe deuel þat is fader of le | synges· But a cristen man þat is goddis child & | loueþ hym a bouen alle oþere þinges nil do no þinges þat may de-|parten hym from his fader of heuene· & þanne | mout he leuen alle manere lesynges & alle ma|nere falsenesses And for crist wolde þat his ser|uauntes weren perfy3t boþe in loue & in treuþe· | ri3t as he made an ende of alle maner vntreuþe | ri3t so in his cummyng· he made an ende of oþes | þat neuere weren i-ordeyned· but for defaute of | treuþe· for among trewe men nedeþ noon oþes | & herfore crist seiþ· It was seyd sumtyme· þou sch|alt not for swere þe but þou schalt 3elde to god | þin oþes· but I sey 3ow þat 3e sweren for no þing | not bi heuene· for hit is goddis trone· ne be | erþe for hit is þe stool of his feet· ne bi Ierusa|lem· for hit is a greet kynges citee· Ne swere | þou not be þin heued for þou mi3t [nou3t] make oon whit | here ne blak· but [3]oure word be 3e·3e·nay·nay· & | þat þat is more þan þis is of yuul And seynt [fol 132r] Iame seiþ· bi foren alle þinges my dere breþeren | ne swere 3e not bi heuene ne by erþe ne be non |ere oþe· but be 3oure word· 3e 3e· nay nay· þat | 3e fallen not vndur doom· Chastite is þe sixte | vertu þat comeþ ou3t of loue· & noryscheþ loue· | Also for he þat loueþ god nyl not take no | lust þat is displesyng to god· ne þat his har|meful to his broþer ne to his sister And crist ~seyth ... ~ | seyde summe tyme þou schalt doon no lecherie | but I seye 3ow who þat seþ a womman· for to couey|ten hire· he haþ doon lecherye in his herte· wiþ þat | womman And þerfore 3if þi ri3t eye sclaundre þe | pul hym ou3t· & þrow hym a wey from þe for | hit is spedeful to þe þat on of þi membris per|ysche· þan al þi body go in to þe fuyr of helle & | 3if þi ri3t hond sclaundre þe kytte hym of & þro|we hym a wey fro þe· for it is spedful to þe þat | oon of þin membris perische þan al þi body go | in to þe fuyr of helle· Crist seiþ also it was sey|de summe tyme· who þat leueþ his wif· 3eue he hi|re a libel of hire puttyng a wey· but I seye 3ow | he þat leueþ his wyf· but it be for cause of for|nicacioun he makeþ hire do lecherie· & he þat wed|deþ a womman þat is left of hire housbonde bre|keþ spousehed· And in a tyme þe pharisees axe|den crist wheþer it where lefful to leuen to a man | his wif for any enchesoun· & he seyde ne haue 3e | not rad þat he þat ... þat made man from þe be|gynnyng made & womman & seyde· herfore aman | schal leuen fadir & modir and drawen hym to | his wyf· And þei schulde be two in oon flesch· | But now þei ben not two but oon fleysch· & | þerefore þat god haþ ioyned no man departe· [fol 132v] And þoo þei seyden what is þis þanne· þat moyses | bad þat þere schulde be 3euen a libel of puttyng awey | And so aman schulde leuen his wyf· And crist sey|de· for moyses sufferid þow haue 3owre wyfes after | þe hardenesse of 3owre hertes· But from þe by|gynnyng hit was not so And I sey 3ow who | þat weddeþ leueþ his wyf· but hit be for forni|cacioun & weddeþ a noþer he doþ fornicacioun· And | who þat weddiþ a womman þat is lefte of hire | housbonde· doþ fornicacioun lecherie & þoo seyden | his disciples· 3if it be so be twene aman & his | wyf· It is not spedeful to be wedded· And crist | seyde alle men ne take not þis word· but þilk | þat it is graunted to· for þer ben men i-geldid | þat ben i-born of her moder wombe· And þer ben | summe þat ben i-geldid of men· & þer ben summe | men þat gelden hem seluen· for þe kyngdome of | heuene· Who þat may take þis take he in þis | wyse· Sire in þes two comaundementes of loue | is al goodnesse fulfild· & al euel eschewed· & | so þe lyuynge of oure soule & þe ri3t weye to | heuene is to be leuyn stedefastliche in crist & to | kepe þes two comaundementes of loue...

Copyright © 1998-1999 Paul F. Schaffner

Revised 15 March 1999. See the conditions of use at the head of this document.